Sa Darating kong Kaarawan

          Kaarawan ko na pala sa darating na Linggo at mag lalabin-siyam na taong gulang na ako. Parang kailan lang ay nasa hospital ako nakahiga at nawawalan na ng pag-asa subalit heto ako ngayon, buhay pa at handa nang tapusin ang aking nasimulan.

          Kung bibigyan ako ng Diyos ng isang hiling, hihilingin ko sa kanya na gabayan at tulungan niya akong makapagtapos sa pag-aaral upang dito ako huhugot ng lakas ng loob at upang may maipagmalaki ako sa aking pamilya kahit na may kapansanan na ako(mahirap tanggapin pero totoo).  Una sa lahat, gusto kong magpasalamat sa pamilya ko dahil hindi nila ako iniwan at pinabayaan. Sa lahat ng pinagdaanan ko, hindi sila bumitiw sa aking mga kamay. Sila ang naghaplos sa aking dibdib at nagsilbing inspirasyon ko upang mabuhay pa.

          Kung hindi dahil sa kanila, sana ay nasa hukay na ako ngayon.  Nagpapasalamat din ako sa aking ina dahil siya ang nagsilbing sandalan ko upang harapin ang mga unos na dumating sa aking buhay at dahil sa mga yakap at pagkalinga niya ay nagiging matatag at lumalaban ako sa pakikibaka sa hamon ng buhay. Nagpapasalamat din ako sa Anty ko dahil siya ang nagpapa-aral sa akin simula noong musmos pa ako. Siya rin ang nagbayad sa mga gastusin ko sa hospital. Kung saan-saan siya umutang para lamang gumaling ako. Salamat din kay Lola dahil siya ang naglalaba noon ng mga duguan kong pamalot sa paa ko. Kahit pagod na pagod na, nagagawa pa rin niya akong asikasuhin.

          Salamat din sa mga bago kong kaibigan dito sa blogger. Una sa lahat, kay Kuya Uno. Una ko siyang nakilala at naging daan para makilala ko pa ang iba na nandito kahit na nakakalimot siya minsan, nagpapasalamat din ako. Pangalawa kay hard2getxxx dahil kasama ko siya noong nagsimula ako dito hanggang ngayon. Pangatlo kina Kuya Axl, Kuya Istambay at Diamond R, kayo ang nagsilbing kapatid ko dahil nandiyan kayo para sa akin. Pang-apat kay Kuya Sean dahil hindi niya ipinadama na iba ako, na may mararating pa ako sa buhay. Salamat din kay Manang Kim, kahit na hindi ko siya kilala ng lubos, alam kong mabait siya. Kina Kuya Musingan, Keatondrunk, khantotantra at Leonrap, salamat sa mga advice at mga komento na nagbigay ng aral para sa akin. Kina Ate Ladawan at Vhincci, thank you kadakayo ta didak inbilang a sabali kadakayo ken sapay kuma ta haan kayo pulos agbaliw. Salamat din sa mga komento nina Sir Moxx at kay Kikomaxx. Sa mga bago kong kaibigan na sina Mommy-razz, Akoni, Ate Sey, si Iya, Jemjem at Bbtoo. Salamat din sa araw-araw na pagbibisita ninyo. At sa mga hindi ko nabanggit, lubos akong nagpapasalamat sa inyo dahil dumadalaw kayo minsan at nag iiwan ng konting bakas.

            Naluluha na ako habang sinusulat ko ito. Gustong-gusto ko kayong yakapin lahat upang ipadama sa inyo na mahalaga kayo at parte na kayo ng aking buhay. Isasama ko kayo parati sa aking dalangin upang kayoy pagpalain at sana'y hindi kayo magbabago. Bilang pasasalamat ko sa inyo, heto ang ginawa kong video  at sana ay  magustuhan niyo. Inaasahan ko na makakatunton na ako sa "Top Of the World" upang magiging "Im Yours" ako.

 

                                              Top Of The World

        Heto pang isa, kinanta ko ito with smile dahil kung magiging malungkot ako wala rin mangyayari sa akin kaya heto, sana magustuhan ninyo ng lubos.

Im Yours